पाळज जिल्हा परिषद गटातून सौ लक्ष्मीबाई पांडलवार इच्छुक भाजप पक्ष श्रेष्ठींकडे उमेदवारी अर्ज दाखला
नांदेड प्रतिनिधी /-
मागील काही वर्षापासून स्थानिक स्वराज्य संस्थांच्या निवडणुका रखडल्या होत्या. आता काही दिवसांमध्ये जिल्हा परिषदेच्या निवडणुका होणार असून पाळज जिल्हा परिषद गटातून भोई समाजामधून प्रथमच सौ लक्ष्मीबाई रामकृष्ण पाडलवार ह्या निवडणुक रिंगणात उतरणार असून त्यांनी भाजप कार्यालयात उमेदवारी अर्ज दाखल केला आहे.
भोकर विधानसभा मतदार संघ हा माजी मुख्यमंत्री खा. अशोकराव चव्हाण यांचा बाल्लेकिल्ला म्हणुन ओळखला जातो. या भागाचे नेतृत्व त्यांच्या कन्या श्रीजयाताई चव्हाण करत आहेत. त्यांचेच खंदे समर्थक म्हणुन गणपतराव पांडलवार यांची ओळख आहे. त्यांच्या सुनबाई नांदेड जिल्ह्यातून प्रथमच भोई समाजातून एका महिलेने जिल्हा परिषद निवडणूक लढविण्याची तयारी केली आहे. खुद्द माजी मुख्यमंत्री खा. अशोकराव चव्हाण यांनी भोकर येथील भोई समाज महासंघाच्या मेळाव्यामध्ये भोई समाजाचा प्रतिनिधी जिल्हा परिषदेमध्ये पाठवणार असा शब्द दिला होता. आता पाळज जिल्हा परिषद गटातून सौ. लक्ष्मीबाई पांडलवार यांना उमेदवारी देऊन आपण दिलेला शब्द पुर्ण करतील अशी आशा गणपतराव पांडलवार यांनी आमच्या प्रतिनिधीशी बोलताना व्यक्त केली आहे.
पाळज जिल्हा परिषद गटातून निवडणुक लढविण्यासाठी भाजप कार्यालयात इच्छुक उमेदवार म्हणुन अर्ज दाखल केला आहे. माजी मुख्यमंत्री यांनी संधी दिल्यास त्या संधीचे सोने नक्की करणार
माजी प्रशासकीय अधिकारी गणपतराव पांडलवार
