हिमायतनगर शहराचा विकास साधायचा असेल तर डॉ. राजेंद्र वानखेडे यांना निवडून द्या :- माजी मुख्यमंत्री अशोकराव चव्हाण

दाऊ गाडगेवाड / हिमायतनगर

हिमायतनगर नगरपंचायत निवडणुकीत माजी मुख्यमंत्री तथा राज्यसभा खासदार अशोकराव चव्हाण यांची हिमायतनगर शहरातील नगराध्यक्ष पदाचे उमेदवार डॉ. राजेंद्र वानखेडे व सर्व भाजप नगरसेवक पदाचे उमेदवारांच्या प्रचारार्थ जाहीर सभा संपन्न झाली या सभेला लाडक्या बहिणीसह नागरिकांनी प्रचंड प्रतिसाद देत हजारोच्या संख्येने उपस्थित दाखवली होती. त्यामुळे उपस्थित मतदारांना आव्हान करताना खा. अशोकराव चव्हाण यांनी सांगितले की, हिमायतनगर शहराचा विकास साधायचा असेल तर स्वच्छ, निर्मळ प्रतिमेचा नगराध्यक्ष पदाचे उमेदवार डॉ. राजेंद्र वानखेडे यांना निवडून द्या मी शहराचा विकास करून देईल अशी हमी त्यांनी यावेळी बोलताना दिली.

याबाबत सविस्तर वृत्त असे कि महाराष्ट्राचे भाग्यविधाते तथा मराठवाड्याचे भूमिपुत्र नांदेड जिल्ह्याचे भारतीय जनता पार्टीचे नेते माजी मुख्यमंत्री खा. अशोकराव चव्हाण यांची आज दि. २८ नोव्हेंबर रोजी हिमायतनगर शहरातील नगरपंचायत सार्वत्रिक निवडणुकीच्या अनुषंगाने नगराध्यक्ष पदाचे उमेदवार डॉ. राजेंद्र वानखेडे यांच्या प्रचारार्थ जाहीर सभेचे आयोजन केले होते. या सभेला मार्गदर्शन करताना खा. अशोकराव चव्हाण यांनी लाडक्या बहिणीसह मतदारांना आवाहन केले की स्वछ प्रतिमेचा उमेदवार तुमच्या समोर उभा आहे माय बाप मतदारांनी मला मतदान केल असे समजून हिमायतनगरच्या सर्वांगीण विकासासाठी स्वच्छ व निर्मळ प्रतिमेचा उमेदवार राजेंद्र वानखेडे यांना तुम्ही भरघोस मतदान देऊन निवडून द्या. कुठल्याही भूलथापाला बळी न पडता भारतीय जनता पार्टीच्या सर्वच्या सर्व उमेदवारांना प्रचंड असा आशीर्वाद देऊन येत्या दोन डिसेंबर रोजी मतदान करा असे आव्हान त्यांनी केले. विरोधकांना माझ्यावर टीका केल्याशिवाय झोप येत नाही या भाषेत त्यांनी खोचक उत्तर देत देत भारतीय जनता पार्टी ही एक देशातील सर्वात मोठी, विकास करणारी पार्टी आहे. देशासह महाराष्ट्राच्या विकासात भारतीय जनता पार्टीचे मोठे योगदान आहे. त्यामुळे हिमायतनगरचा सर्वांगीण विकास करण्यासाठी डॉ.

राजेंद्र वानखेडे यांनाच निवडून द्या अशी विनंती केली. या कार्यक्रमादरम्यान मागील तीस वर्षापासून शिवसेनेत असलेले निष्ठावंत कार्यकर्ते विलास वानखेडे यांच्या सह असंख्य कार्यकर्त्यांनी माजी मुख्यमंत्री यांच्या उपस्थितीत शिवसेनेला जय महाराष्ट्र करून भाजपा प्रवेश केला

यावेळी उपस्थित भारतीय जनता पार्टीचे जिल्हाध्यक्ष किशोरजी देशमुख, डॉक्टर अंकुश देवसरकर,गिरीश जाधव, भंडारे सर, निवडणूक प्रभारी डॉक्टर सात डोंगरगावकर, हदगाव तालुका अध्यक्ष भागवत देवसरकर, हिमायतनगर तालुका अध्यक्ष गजानन चायल, किशोर रायेवार,गजानन तुप्तेवार, कल्याण सिंग ठाकूर, विपुल दंडेवाड, सोशल मीडिया जिल्हा संयोजक नागेश शिंदे, आशिष सकवान,सुधाकर पाटील, यलप्पा गुंडेवार, सह भारतीय जनता पार्टीचे असंख्य कार्यकर्त्यांसह मतदार बांधव, भगीनी मोठ्या संख्येने उपस्थित होत्या.